حلم غريب بقلم الشاعر سيد السباعي
حلم الغريب
حلم الغريب أنه يرجع
بلده ويقدر فيها يعيش
ويبقى حاسس فيها بالامان
ومتوفر معاه حق رغيف العيش
ويبقى مرتاح البال ومتهني
واللي يطلبوا يلاقيه
وما حدش يقول له ما فيش
الحلم ده بيحلم بيه كل يوم
بس يا خساره بيلاقي الصبح
طلبات ثاني كثيره ما بتنتهيش
ويقول ازاي ارجع ده الفقير
قاعد في بلده ومش قادر يعيش
يمكن عشان في حاجات كثيره
الناس باعتها وبلدي بتتغير يوم
ورا يوم وانا ما شفتهاش
خلاص خليني غريب في غربتي
وصبر نفسي واقول ميعاد الحلم
يتحقق لسه ما جاش
بقلم سيد السباعي شاعر الغربه
تعليقات
إرسال تعليق