لسا جاي تقول بحبك بقلم الشاعر عامر عبده عامر
لسه جاي
للشاعر / عامر عبده عامر مصر
لسه جاي تقول بحبك
و وحشاني نظره عينيك وابتسامتك
وانا برموش عيني
جوه قلبي في يوم رسمتك
رغم الجفا وكل الاهات
عمري في يوم ما جيت عاتبتك
اتكلم قول كمان
قول فضفض براحتك
كلمه بحبك
كانت هتقل حبه من كرامتك
ولا احنا مكتوب علينا
نعيش العمر كله خدام عظمتك
مش عارف بس
كان ايه اصلا حكايتك
******
انا بعت كل الحبايب وبدون كلام
بتعدي مش عاوز حتى ترمي السلام
وانا اللي كنت بداري عنك
عن اللي فيا من الام
******
هو يعني عشان قلوبنا صافيه
وانت قلبك حديد
نحب مره وانت غاوي
كل يوم تحب حد من جديد
********
انا عمري ضاع
ولسه برده بتقول ظلمتك
سلمت امري للي فوق
وبايدك انت حدد مصيرك
انا راضي بالمكتوب
واللي يحكم بيني وبينك ضميرك
تعليقات
إرسال تعليق