عايز يغلبني بقلم الشاعر صبري عبد الواحد الحساني
كلمات شاعر بني هاشم
الشاعر صبرى عبد الواحد الحسانى
عايز يغلبنى غلبته
جانى فى صورة صاحب
قالى يا عم. بلاش صلاة ولا صيام
أنت تعبان وعندك سكر
ورجليك كلها اورام
فى النهارمش قادر تمشى
وفى الليل مش قادر تنام
قلتله صلاتى حمايتى
من فعل اى ذنوب وحرام
وفى صومى والله مرتاح
وعايش مع نفسى فى سلام
عايز يغلبنى غلبته
قالى عيالك خلصواتعليم
واهم من غير شغل قاعدين
لا شغلة ولا مشعله
واللى معاهم واسطه وأقل منهم شغالين
والغلابه اللى زيى وزيك
فى الدنيا بيشقوا ومطحونين
وأنت على على المعاش ومعاشك
ما يكفى فول وطحين
الدوله واكله حقوقك
اربعين سنه خدمه مهدورين
قلتله ربك عارف وشايف
ربنا يهدى المسؤولين
وبكره هيكرمنا أكيد
ونكونوابفضله فى خاطرنا مجبورين
ماهوربك رزقه بيوزع
وكل شىء ليه وقت يحين
عيالى بكره هيكرمهم
ويكونوا لهدفهم واصلين
والصحة والستر يديهم
ويشكروا رب العالمين
ومعاشى بكره يزيد
بإذن رب العالمين
والحد الأدنى يبقى سبعة آلاف
زى الموظفين ماواخدين
هو مين اخد اكتر من حقه
ولا امته ربك ما استجابش للسائلين
لكن كل شىء بميعاد
ربنا يجعلنا من عباده الصابرين
تعليقات
إرسال تعليق