كلمات وجعاتو بقلم الشاعر الشريف ابو محمد الهمامي

 ........كلمات وجعاتو

صيد البرور بات مغتاض

يكندر والناب  يرحي رحيان

اش كون يفك غضباتو

ما لقاش عنتيت يعبر كلماتو

اهاها ما مر فراق الي شواتو

طالت الايام وكثرت وجعاتو

اه ياخليلة وقتاش يطب الليل ونرتاحو

قمر الليالي بايت زعلان

 يبكي والدمع بلل مخداتو

تحدر شكاية على الايام الي فاتوا

راح النهار وشموس الغرب درباتو

اهاه صيد الصيودة  كان يزهر زهران

واليوم ياكبدي ضايع حيران

يمشي وطوالت عليه الثنية

مصهود على فراقك والكبدة مشوية

اهاه المربوط يقطع السلاسل

يشق المشقة ولا رزم توفي البلية

اهاه اش يقرب الفيافي حتى للمدينة

اهاه يا الغالية وخيك وحده بايت رهينة

يطلب دمعة من العين يحدر وا منها طزينة

مشيتي ومشأت معاك الايام الزينه

قولولها يا مراسيل راني مسامح

والصبر على الوجيعة تبري المجارح

اهاه صيد الصيودة يطيح ما يموتش

مهما كان الألم حبك في الجواجي ما يروحش

وما تقولوش  الي مات راح ما ينوضش

سلام الوالدة وليدك غيرك أعمى ما يشوفش 

       الشاعر الشريف ابو محمد الهمامي