دنيا مبتدومش بقلم الشاعر شعبان عبد الرزاق
دنيا ما بتدومش
----
دنيا ما بتدومش
كله منها هيمشي
اللي فيها بيطمع
يبقى ما بيفهمش
في السراب بتكوش
والشيطان بيهوش
والطمع ما تلمش
وأنت ما بتندمش
اللي كان أمبارح
في التراب دلوقتي
كان فيها سارح
والرحيل دي حقيقتي
يا اللي كنت بتجرح
بكرة راح تتعور
للنفس كنت بتسمح
وفي الأمل تتصور
اللي حلمه أماني
خلاص مش راجع تاني
أتغريت يا اناني
الظلم ما بينفعش
ليه حرمت قرايبك
ليه بعدت حبايبك
عملك هيكون صايبك
ليه ما تتعلمش
دوست الناس في طريقك
والشيطان في فريقك
خليته يبقى شقيقك
دا دنيا وما بتدومش
بقلم شعبان عبد الرازق ربى
تعليقات
إرسال تعليق