مش عادي بقلم الشاعر عامر عبده عامر
مش عادي
لما تقول نسيت حبي
عادي
ولهفتي اليك وودي
عادي
ولو نسيت حناني
برده عادي
يمكن تكون بتسوق في الدلال
وتبعد عنا عيون الاعادي
لكن الشيء اللي مش طبيعي
ولا يمكن اعتبره عادي
انك تنسى ميعادي
ده شيء ما اقدرش اتحمله
ولا قلبي ممكن يغفره
قلبي بيعد الثواني والساعات
ويحسبها ثانيه ثانيه من الميعاد
اللي فات
ويعاني من الشوق والاهات
وعايز الوقت يجري من سكات
هو ده الاتفاق اللي بينا
هي دي المعاهده اللي كتبناها
بايدينا
ننسى اي حاجه ولو كانت عنينا
وما ننساش ابدا ميعاد لقانا
وانا نازل اقابلك
قلبي يدق دقه
عمره ما دقها لحد قبلك
وعرفت من غير ما افكر
ان كل ما الدقه تزيد
يكون قلبي مشتاق لك اكثر
وانت تنسى ميعادي
وعايزني اعتبره عادي
الشاعر/ عامر عبده عامر مصر
تعليقات
إرسال تعليق