عصرتيني بقلم الشاعر صلاح محمود عفيفي
عَصرتيني............
يا ترمي الجرح يمحيني
يا إِما تنادي ع المسافات
ليّم الفرح ترميني
يبات الصُبح مِتشَعلّق
قُصاد عيني
ف طلات الأمل والشوق
ساعتها تروق من الأَنات
ملامحكِ وإنتي بتعيني
الألم ع الليل
ب جرحكِ صُبح يكويني
وجّمبي تزيني تسقيني
براءة رُمح موالكِ
ولا تخّبي ف منوالكِ
نايات العشق وتعاتبي
حارات النيل
وزَيّ الويل
م بيرّبي الندم أوقات
ف دَربي ح أكون من النِجمهّ
علي باب السفر بأَحبّي
بأَلّبي نِدايّا لون عاشق
وغاب عن فرحة المواويل
ساعتها ح ألوم
هموم النوم ف بُركانكِ
وأنا بأَركّع
وأصّور قلب مِتعافي
وأقولكِ خافي لو يرجع
بأنات اللُقا المظلوم
ويوم م تحبي أعوم أغرق
وأغّرق جَمبي مَركبتكِ
وأقول إن إنتي ف الإعصار
عّصرتيني
وسيبتي سنيني
ف هدوم الشقا تِشهق
وسيبتيني وراها أنزف
وبعتيني تمن بّخسكِ
وأنا بأحدف عناويني
عليكي نهار
وبأحلف إنكِ الآههّ
اللي ماليهّ الدار
وعشقكِ مّد من هيبتكِ
ف مشوار الدَفّا الكداب
وكان القلب متوارب
لا بيدّقدّق ولا يعاتب
سكوت الباب
عمل بّواب
وخّد باللهَفهّ والأسباب
ولّم إصحاب حواديتكِ
من المعني ف شكل احباب
وطاف حواديتهُ
لحروف الأماني كتاب
تذاكريني
ف يمضي العُمر بالحِصهّ
يقّضي سنينهُ ف الكُتاب...!!!
شعر
صلاح محمود عفيفى
تعليقات
إرسال تعليق