ارض بلادي بقلم الشاعر صبحي عاشور

 (أرض بلادي).. بقلمي..( صبحي عاشور).

غالية علي يا أرض بلادي

كنت ف دلتا أو ف الوادي

من أيام توحيد قطرينك

والجمهور بهتف وينادي

الحرية غالية علينا

الحرية هي فؤادي

مصر الحرة غالية علينا

ربي حافظها من الآيادي

طول ما غرامك جو قلوبنا

هنلقى الصعب بعزم فولازي

ونحطم كل الأساطير

مهما كانت ف الدنيا دي

سر خلودك بيسري في دمي

طاقة وقوة وعزم ولادي

اللي يفكر يرمي في سيرك

حجر العثرة ليَّ أعادي

قلبي وروحي وعمري فداك

وبدمي ووِلدي ومالي أهادي

اللي بيشرب يوم م نيلك

عمره ما يوم أفضالك ناسي

وإن نسي يوم من فضلت خيرك 

من كل صنوف الويل بيآسي

دا الحيوان لما بترعاله

عيشة ومأوي عمره ما ناسي

واللي بينكر فضل بلاده

الحيوان له مرشد هادي

ويعيش طول العمر في ضنك

ورب العرش عليه مش راضي

ومن اليوم  يابلادي يا غالية

أقدم مهرك حائي وصادي

وأحط ترابك كحل لعيني

وأرسم عَلَمك فوق كراسي

وأفضل أنادي يا مصر ياغالية

أنت مليكتي وتاجي لراسي.

بقلمي ....صبحي عاشور.