سكينة و مطوطين بقلم الشاعر شعبان عبد الرازق

 سكينه ومطوطين 

جرحوني يا ابو الحسن 

والدنيا دي رايحه فين 

وحقي انا اتركن 

شباب في الطيش بتمشي 

الصح ما يتعملش 

ماشيين على هواهم 

والطيب لا ما امشي 

علي نواصي واقفين 

تايهين ومش حاسين 

هبروحوا بس لفين 

وبيشكو من الزمن 

الاب شغال بيشقى 

عاوز ابنه امل 

الام منه تشكي 

بس ايه العمل 

الشغل ما بيديش 

ملاليم ما بتكفيش 

ازاي بس يعيش 

حاجه غاليه الثمن 

شله السوق خدوه 

والشرب وعلموه 

على طول بيفهموه 

وكلامهم كالعفن 

قال ايه بيقولوا رجوله 

واحنا شباب مسؤوله 

افكاركم دايما شوله 

وتعيبوا في الزمن 

ضيعكم البرشام 

الحقن والاوهام 

وقفلت بالاختام 

حاسب اه يا حسن 

بقلم شعبان عبد الرازق