حبيتك بقلم الشاعر نعيم القرقوري

 حبيتك..

حبيتك ومش خسارة فيك الحب 

حبك لجروحى هو دوايا والطب

حبيتك وماقريتش على الحب 

كيفك انت عمرك لا تعلمت الطب

لا ننساك ولا غيرك نحب

حفظتك وحفظت حبك 

من غير مانتصفح جرائد ولا كتب

عليك نموت ويسيل دمى 

وقت الشدة وتحك الركب

تتدلل عليا وعمرى مانغضب

ياخى كل من يقول نحب يحب 

المحبة ماهيش بالغضب والسب 

المحبة كما العسل تتسكب

لكل منهو يستاهل يتحب 

نا حبيتك يا ساكنة الحشا والقلب

ونركب فرستى ونهب 

ندمر قبيلة لو يقولولى 

حبيبتك جاها عريس وباش تتخطب 

نديرها حرب ضروس ولو دمى ..

لجالك يراق ويتسكب

نا نحبك يا وليفة الروح

وأنت للروح شريانها والعصب

وأنت محرارها لو دمى تسكب

وكل من يقربك يحل عليه الغضب

ومحال يقرب ديارك والعتب

حبيتك ومش كل منهو يقول نحب يحب

نعيم القرقورى من تونس 🇹🇳🇹🇳🇹🇳